AI gen 到 ≠ 做到：搵 AI 設計服務前要問嘅 5 個問題

AI 令到出一個網站、一張海報、一段文案變得好快。但快嘅另一面，係市場上多咗好多「睇落 ok、實際用唔到」嘅交付。AI 時代最大嘅陷阱，就係太多人以為「gen 到」等於「做到」。

一個 AI 生成嘅網站，表面靚仔，背後可能冇諗過 SEO、security、載入速度、手機體驗、甚至最基本嘅 business logic。落單之前，問清楚以下 5 條問題，就分到邊個係真係幫到你，邊個只係交貨。

1. 有冇真人把關 business logic？

AI 唔識你盤生意點運作。一個落單流程、一個收費邏輯、一個客戶旅程，背後嘅判斷需要真人理解你嘅行業先做得啱。問清楚：策略同方向有冇人睇住，定純粹 prompt 出嚟就交？

2. 交付包唔包 source 檔案？

如果交付只係一條連結或者幾張圖，但冇 source 檔案，你日後想改一個字、換一張相都要返去搵返佢。確認交付包埋可編輯嘅 source，先係真正屬於你嘅資產。

3. SEO、security、performance 有冇諗過？

一個網站唔係靚就夠。搜尋引擎搵唔搵到（SEO）、會唔會洩漏資料（security）、載入快唔快（performance）——呢啲用家第一眼睇唔到，但直接影響你有冇生意。問清楚呢三樣有冇處理。

4. 係改一輪定無限改？scope 清唔清楚？

「無限改」聽落好，但往往代表 scope 模糊、時間拖長、最後雙方都唔開心。反而清楚講明「集中改一輪」、範圍寫得明白，先至交付得快又乾淨。落單前睇清楚 scope 同改稿安排。

5. 有冇真實案例可以睇？

講得幾叻都好，睇返作品最實際。要求睇真實案例——唔同行業、唔同風格——先知佢嘅交付水準同你嘅期望啱唔啱。

416 AI Studio 嘅做法，正正係用 AI 加速、真人把關：交付包 source、scope 清楚、有 21 個真實案例可以睇。想知你個項目實際點做、幾錢、幾時交，可以攞個免費報價傾下。